तो चौकटचा राजा नि मी किल्वरची राणी
Thursday, February 11, 2010
ऐका कहाणी आमच्या प्रेमाची
तो चौकटचा राजा नि मी किल्वरची राणी
अधूरी होती आमची प्रेम कहाणी
कारण दरबार भरला होता बावन्न पानांनी
वर्षानुवर्षे ही लढाई लाल-काळ्या पानांची
चारही किल्ले जिंकले किंवा हारले
हार पक्की आमच्या प्रेमाची
तीन पानी खेळो अथवा सत्ती लावणी
ह्याच्या हातून त्याच्या हातात घालमेल होई जीवाची
कुठेतरी एकत्र भेटू चाहुल लागे क्षणाक्षणाची
आमच्या प्रेमाचा डाव बदामाच्या गोलूने फोडला
धुमशान उठल्या रिंगणात किल्वरचा राजा गरजला
राजा नि राणीला घेऊन जोकर होता पळाला
चारही एक्यांना कुठलाच पुरावा नाही मिळाला
राज्यात झाली आणीबाणी . . .
माझ्या मांडीखाली चौकटचा राजा नि किल्वरची राणी
प्रिया पाटील
Logged
0 comments:
Post a Comment