"सचिन- क्रिकेट बादशाह"

"सचिन- क्रिकेट बादशाह"

२४ एप्रिल ला झाला एकाचा जन्म..
वातावरणही जणू सारे झाले होते दंग...

मुलाच्या त्या आगमनाने
घर सारे खिलले होते...
जणू सारे देवही त्याच्याच आगमनाची
वाट ते पाहत होते...

होता त्याचा जन्म फक्त
एका गोष्टीसाठी...
क्रिकेटला आपण सर्वस्व द्यायचे..
ठरवुनी मनी ते ध्येय आपले तो गाठी...

"सचिन" असे म्हणतो आपण..
आहे तो क्रिकेटचा राजा...
धारधार खेळाने आपुल्या...
वाजवतो तो सर्वांचा बेण्ड बाजा...

नाही भीती त्याला ...
समोर असलेल्या बॉलरची...
करुनी चौकाराची आतषबाजी..
पाहतो पकड आपण त्याच्या खेळाची...

नवोदितानाही खेळात प्रेरणा तो देई..
पाहताना खेळ त्या राजाचा..
मन हि आपले हरपुनी जाई...

आहेत सारे विक्रम खेळातले..
या राजाच्या नावावरती...
धावांचा हि डोंगर पाहता..
भल्या भल्यांचे डोळे फिरती...

क्रिकेटचा बादशहा तू
असाच धावांचा पाउस पडत राहा..
नाही फिकीर वयाची आपल्याला..
राजा तू असाच बहारत राहा...असाच तू बहारत राहा...

Read more...

"सचिन तेंडुलकर"

"सचिन तेंडुलकर"
मज सांग तुजसाठी, काय मागू देवापाशी ?देव देतो, जे जे काही , सर्व आहे तुजपाशी ||१|| 
मोरपिस सुयशाचे, आणतोस खेचुनी | शोभते शिरपेचात, ठेवी मानाने खोचुनी ||२||
नाणे फेक जिंको कोणी, तुजसी नसे फरक |डोंगर धावांचे रची, केव्हढा तुझा उरक ||३||
उतरता तू मैदानी, प्रतिस्पर्धी होई खिन्न |फटकेबाजी पाहुनी, प्रेक्षक होती प्रसन्न | |४||
आव्हान शत्रुचेही, लीलया झणी पेलतो |असतोस तू तिथुनी, धाऊनी चेंडू झेलतो ||५||
ठेवल्या जरी कितीही, तुझ्याकङुनी अपेक्षा | देतोस भरभरुनी, तू मोठ्ठा आभाळापेक्षा ||६||
बाधते न तुज कधीही, कोणतीही यशबाधा |निर्लेप निर्विकारी, उरतोस किती साधा ? ||७|| 
ऊर्ध्वगामी गति तुझी, घेतो गगन भरारी | यश कीर्तीची तोरणे, उभारी जगतद्वारी ||८||
हिरा तूची स्वशैलीचा, कोंदणात जङविला | स्वणॉक्षरी इतिहास, तुझा तूची घडविला ||९|| 
लाभले भाग्य तुजला, इतरा नसे इतुके |सांगे उपेंद्र हर्षे, आस्थेने कवतुके ||१०||
झळके क्रिकेट विश्व, ऐसे महान कर्तुत्व |दौडती विजयी अश्व, गर्जती तुझे श्रेष्ठत्व ||११||
आशिष तुजप्रती, थोर माय-पित्यांचा |मिळे पुण्य वरदान, तो स्पर्श देवकरांचा ||१२||

Read more...

बजेटचा ताळमेळ

बजेटचा ताळमेळ

गृहमंत्र्यांकडून अर्थमंत्र्यांना
अगदी सहज फसवले जाते.
नवर्‍याच्या बजेटचे बुड
बायकोकडून बसवले जाते.

गृहमंत्र्याचे पराक्रम
अर्थमंत्र्यांना कळत नाहीत !
आले किती? गेले किती?
ताळमेळही जुळत नाहीत !!

-सूर्यकांत डॊळसे,पाटोदा (बीड)

Read more...

खर प्रेम

Author Unknown
खर  प्रेम


म्हणतात  “ खर  प्रेम  “
कधीही  मारत  नसत
ते  तर  “अमर ” असत
मग  ते  प्रत्येकाच्याच  मानगुटीवर  का  बसत ?
बर  बसले  तर  बसू  देत
पण  ते  खरच  आहे  हे  कशावरून ?
प्रेमात  म्हणे  माणूस 
आंधळा  होतो , बर  मग  याला 
प्रेम  दीसत  तरी  कस  ?
प्रेमात  म्हणे  माणूस 
वेडा  ही  होतो  , मग  याला  प्रेम  कळत  तरी  कस ?
बर  ज्याला  हे  खर  प्रेम  मीळत
त्याला  स्वर्गही  थोडे  असते
पण  लग्नानंतर  एकमेकांना  पडलेले 
सर्वात  मोठे  हेच  कोडे  असते
कारण  प्रेमच  भूत  मानगुटीवरून
केव्हाच  उतरलेलं  असत
मग  कळतात  दोष  कळतात  उणीवा
मग  तीच  तीच  भांडण  पुन्हापुन्हा
तीच  त्याला  ते  महानाने
“हे  तुमचे  नेहमीचेच  आहे
जरा  काही  मागितले  तर  म्हणे 
पगार  कमी  आहे 
येऊन  जाऊन  अडचण  नेहमी 
माझ्या  पाशीच  येते  “
आठवतात  मग  तीलाही 
माहेरचे  ते  सुख
येते  मग  डोळ्यात  पाणी
बाबा  म्हणायचे  मला  राणी
आणी इथे  करून  ठेवली  तुम्ही  माझी  नोकरांनी
बडबड  तीची चालूच  असते
तो  ही  बसलेला  असतो  कोचावर
टाय   ढीला  करून  , डोळे  मीटून
पायावर  पायाची  घडी  घालून 
थकलेला  असतो  दीवस भर  राब  राब  राबून ”
प्रश्नांचा  ही  मग  त्याच्या  मनात
कल्लोळ  चालू  होतो  ,
जिच्यासाठी  मी  इतका  मर मर  मरतो
रात्रंदिवस  काम  करतो
जिच्यावर  मी  इतका  प्रेम  करतो 
तीच  मला  आज  अशी  बोलते
कळतात  मलाही  इच्छा  पुरवू  नाही  शकत
मी  ही  तीच्या  काही
पण  मग  सांगा  मी  ही  काय  करू
इच्या  सारी  कडे  बघू  की
आईची  ओउषध आणू
हीला एखादा  दागीना  करू  की
मुलांच्या  फी  चा  महीना  भरू  “
त्याचे  उत्तर  नाही  म्हणून  ती  आणखीनच  चीडते
मग  मात्र  तीच्या  एक  कानाखाली  पडते
मग  तीचाही बंध  सुटतो
ओक्साबोक्शी  रडू  लागते
केलेल्या  कर्तव्याची  आणी  मारलेल्या  इच्छांची
मग  ती  ही  यादी  वाचू  लागते
तुटपुंज्या  पगारात  घरखर्च   चालवून
बाकी  ठेवणारी  ही  तीच  असते
रात्र  रात्र  जागून  मुलांना  आणी  तुज्या  म्हातार्या 
आई  बाबांना  जपणारी  ही  तीच  असते
साठव्ल्ल्या  पैस्यातून
तुला  भेट  देणारी  ही  तीच  असते
त्यालाही  मग  पटते  त्याच्या  चुकीची  खुण
ती  ही  तशीच  झोपते  मग  कूस  बदलून
पण  रात्र  भर  डोळे  हे  दोघांचे  नुसते  झरत  राहतात
मग , खर प्रेम  काय  हे  नुसत्या  उघड्या  डोळ्यांनी  पाहत  राहतात .

Read more...

कुणाच्याही इतके जवळ जाऊ नये...

कुणाच्याही इतके जवळ जाऊ नये...
कुणाच्याही इतके जवळ जाऊ नये...
कुणाच्याही इतके जवळ जाऊ नये
की आपल्याला त्याची सवय व्हावी
तडकलेच जर हृदय कधी
तर जोडताना असह्य यातना व्हावी ,
डायरित कुणाचे नाव इतकेही येऊ नये
की पनाना ते नाव जड व्हावे
अचानक एक दिवस त्या नावाचे
डायारीत येणे बंद व्हावे ,
स्वप्नात कुणाला असेही बघू नये
की अन्धारताही त्याचे हात असावे,तुटलेच जर स्वप्न कडी
तर आपल्या हातात काही नसावे,
कुणालाही इतका वेळ देऊ नये
की आपल्या क्षणाक्षणावर त्याचा अधिकार असावा
एक दिवस आरशात आपणास
आपलाच चेहरा परका व्हावा ,
कुणाचे इतकेही एकू नये
की आपल्या कानात त्याच्याच शबदाचा घूमजाव व्हावा
आणि एक दिवस आपल्याच तोंडातून
त्याच शबदाचा उचार व्हावा ,पण
कुणाच्या इतकेही दूर जाऊ नये
की आपल्या सावली शिवाय आपल्या सोबत काहीच नसावे
दूरदूर आवाज दिला तरी
आपले शब्ड जागीच घुमावेत...

Read more...

न लिहिलेलं आत्मचरित्र ......!

पक्ष्यांना जर आत्मचरित्र असती तर 

इतरांवरच्या  कुरघोडीच्या 
इतिहासाची पानं त्यात नसती.

सामोरी येऊ नयेत 

पण आहेत अशी...

अनेक उघडी सत्य नसती....!

 

खोटेपणा  मिरवणारी 

बोलती फुशारकी त्यात नसती ......!

 

स्वाभिमानाच्या बुराख्या आडचा 

नखरेल खोटारडेपणा  नसता ....!

 

असते फक्त निसर्गाच्या पवित्र्याचे 

निखळ , सखोल , उमलते सन्दर्भ .....!

 

मिळमीळीत वाटणार्या स्वच्छ सत्याचा प्रकाश 

पण ........

म्हणुन पक्ष्यांना आत्मचरित्र नाहीयेत 

कारण आम्हाला आमच्यापुरती पटेल तशी सत्य हवियेत.....!!!

 

- डॉ.कल्पेश पाटील.

Read more...

मी हरलो (I QUIT)

Read more...

माझी चारोळी

तुझ्या आठवणीत अश्रूंनी,

अंगण भिजून गेले,

एक पावसाची सर आली,

आणि सारे अंगण धुऊन नेले.


प्रशांत पवार 

Read more...

कोजागिरीचा चंद्र

कोजागिरीचा चंद्र 

कोजागिरीचा चंद्र
अणि ते टिपूर चांदणे
ते पाहानया आपले
ते रात्र रात्र जागणे
अंगणात बसुनी
हातात हात धरुनी
शांत शांत आकाशी
ते भान हरपुनी पहाणे
कैक तारका आकाशी
तूच माझी तारका
लाघवी हे बोल तुझे अन
गोड माझे लाजणे
डोळ्यावर बट ढळताना
हलकेच तू दूर करताना
मनी उठलेले तरंग
डोळ्यातून समजुन जाणे
कोजागिरीचा चंद्र
अणि ते टिपूर चांदणे
ते पाहानया आपले
ते रात्र रात्र जागणे

Read more...

महाराष्ट्र तोडणा-या दलालांनो

महाराष्ट्र तोडणा-या दलालांनो

मराठ्या तू जिवंत माणूस 
नाहीस मुके जनावर रे ,
शहाणपणा शिकवावा इतरांनी 
वेळीच मराठ्या सावर रे - १ -

बखर खोलून बाघशील का?
इतिहासपाने चाळशील का ?
संताप तुला का येईना गाड्या 
शंडासम तू जगतो का ? - २-

आठव राजे शिवछत्रपतींना 
महातेज सूर्य शंभुराजांना 
लक्ष्मीबाई ते बाजीरावांना 
सावरकर , टिळक , क्रांतीसिंहाना - ३- 

धमण्यामधील रक्त तुझ्या 
लाव्हा होऊन दौडु दे 
राख करून गाड गनिमा 
चौफेर मराठा उधळू दे - ४ -

दे एक नारा , एकच इशारा 
अखंड राष्ट्र , एक मराठा 
महाराष्ट्र तोडणा-या दलालांनो 
मुकाट आपले घर गाठा - ५ --- 

महाराष्ट्र अखंड होता , आहे आणि हा मराठा इतिहास जिवंत असेपर्यंत तो आखंडच राहील . जय महाराष्ट्र!

Read more...

जय महाराष्ट्र !!!

जय महाराष्ट्र !!!

महाराष्ट्र जय, महाराष्ट्र जय
जय जय वीर मराठा लढला एकला अमुचा शिवबा घेउनी हाती भगवा झेंडा 
रक्त सांडले शूरांनी
एक राष्ट्र निर्मितीसाठी आज पाहतो तो शिवबा शकले मराठी मनाची 
का आम्ही निर्मिले हे राष्ट्र बीज मराठी बाण्याचे ओतून दिल्लीवारी फडकावा भगवा
जय जय महाराष्ट गर्जून 
एकसंघ होऊन, अन थोपटून दंड
चल दुर कर वैऱ्याची चतुराई सळसळु दे माय भवानी तलवार तूच आहेस महाराष्ट्राचा शिपाई

Read more...

रोवल्या भगव्याचा तपास

रोवल्या भगव्याचा तपास

त्याच्या टाचांनी.....
मागे पडायचा वारा
धावायाचा तांडा सारा....
त्यांची नजर... आसायची जळजळित आग
मेल्या आत्म्याला जाग...
त्यांच्या कपाळावर..
स्पष्ट रेषा ठाम शिवगंध न ओलांडी घाम ...
त्याची भवानी ...
म्यानामधे - असायचा धाक म्यानाबाहेर - शरण वाक् ....
त्यांचे निशान..
बेजुमान थपडा वा-याला
अभिमानी वरनजर सा-याला..



त्यांची जयंती ...
पुतळ्या पुढे - बेफाम चेले पुतळ्या मागे - कलंडलेले पेले ...



त्यांची नजर ..
आता जराशी हताश रोवल्या भगव्याचा तपास ...

Read more...

अडगळीच्या खोलीमधलं

अडगळीच्या खोलीमधलं
दप्तर आजही जेव्हा दिसतं |
मन पुन्हा तरूण होऊन
बाकांवरती जाऊन बसतं ||

प्रार्थनेचा शब्द अन शब्द
माझ्या कानामध्ये घुमतो |
गोल करून डबा खायला
मग आठवणींचा मेळा जमतो ||

या सगळ्यात लाल खुणांनी
गच्च भरलेली माझी वही |
अपूर्णचा शेरा आणि
बाई तुमची शिल्लक सही ||

रोजच्या अगदी त्याच चुका
आणि हातांवरले व्रण |
वहीत घट्ट मिटून घेतलेत
आयुष्यातले कोवळे क्षण ||

पण या सगळ्या शिदोरीवरंच
बाई आता रोज जगतो |
चुकलोच कधी तर तुमच्यासारखं
स्वतःलाच रागवून बघतो ||

इवल्याश्या या रोपट्याची
तुम्ही इतकी वाढ केली आहे |
हमखास हातचा चुकण्याची सुद्धा
सवय आता गेली आहे ||

चांगलं अक्षर आल्याशिवाय
माझा हात लिहू देत नाही |
एका ओळीत सातवा शब्द
आता ठरवून सुद्धा येत नाही ||

दोन बोटं संस्कारांचा
समास तेवढा सोडतो आहे |
फळ्यावरच्या सुविचारासारखी
रोज माणसं जोडतो आहे ||

योग्य तिथे रेघ मारून
प्रत्येक मर्यादा ठरवलेली |
हळव्या क्षणांची काही पानं
ठळक अक्षरात गिरवलेली ||

तारखेसह पूर्ण आहे वही |
फक्त एकदा पाहून जा |
दहा पैकी दहा मार्क
आणि सही तेवढी देऊन जा ||

Read more...

प्रेम म्हणजे नक्की काय असते?

मयुरेश कुलकर्णी

Read more...

******** नजरेची भाषा ********

******** नजरेची भाषा ********
तुझ्याशी काय काय बोलायचं,
हे आधीच मनाशी ठरवून येते...

पण तू समोर आल्यावर मात्र,
सारं काही एका क्षणात विसरून जाते !

मनात साठवलेले शब्द,
तुला पाहिल्यावर मनातच राहतात...

मनातील भाव मग हळूच,
डोळ्यांमध्ये उतरतात !

सुरू होते मग नजरेची भाषा,
जी कळते फक्त तुला नि मला...

वाटते असेच हरवून जावे तुझ्या डोळ्यात,
विसरून साऱ्या जगाला !!!

mail by kalpana

Read more...

आज "वैलेंटाइन डे" आहे

आज "वैलेंटाइन डे" आहे
पण मला काही सुचतंच नाहीये,
मेसवाल्या काकुंनी गोड-धोड़ स्वयंपाक केलाय
पण मला काही रुचतंच नाहीये...

"वैलेंटाइन" नाही कुणी जवळ
मग "डे" कसला साजरा करायचा,
उगाच तिची भेट नाही झाली
तर दिवस आपला ख़राब व्हायचा...

कुणी नसलेल्या तिची
आठवण मात्र येते,
काळे-कुट्ट दाटतात ढग
मन प्रेमवर्षावाची वाट पहाटे...

संध्याकाळी सहज आपलं
बागेत जावून बसावं,
"कसं हे प्रेम करतात..?"
म्हणुन गालातल्या गालात एकटेच हसावं...

दिवसभर मोबाइलची शांतता
कुणाचाही मेसेज नाही, कॉल नाही,
रात्र झाली, मी कशाला वाट पहु
आता मी मस्तपैकी झोपी जाई...

Read more...

तुझ्या सोबत चालल्या किनारी

तुझ्या सोबत चालल्या किनारी
पाउल खुणा पुसतात सगारालाटा
पक्षी घेतात गगणी उतुंग भरारी
दोघांच्या तरी आहे एकच वाटा

तुझ्या सोबत चालल्या किनारी
तुला विसरण्याची सवय लावतो आता
एकटाच लढतो या वदलाशी
तु नहीं सोबत हरतो आता

तुझ्या सोबत चालल्या किनारी
प्रीतिची नाहि गाणी आता
तु दिलेल्या आठवणी
इन्द्रधानुषायत रंगवतो आता

तुझ्या सोबत चालल्या किनारी
नाहि पुनवेची रात्र आता
आकाशात नहीं चांदण्या
चद्रशी खेलायाला आता

तुझ्या सोबत चालल्या किनारी
एकट्याच पाउल खुणा आता
फुलंचा वास ह्रुदयात आहे आजुन
सहवास संपला तरी आता

तुझ्या सोबत चालल्या किनारी
झाल्या शांत सगारालाटा आता
संध्याकाल तुझ्या विना झाल्यावर
सागरात लागली आग अता ....

Read more...

Valentine

Read more...

Valentine

Read more...

प्रेम म्हणजे भावनांचं आभाळ

प्रेम म्हणजे भावनांचं आभाळ

ज्याला कुठेच अंत नाही

प्रेमाखातर प्राणही गेला

तरी मनाला त्याची खंत नाही


प्रेम म्हणजे बंधन

प्रेम म्हणजे स्पंदन

प्रेम म्हणजे स्वतः झिजून

इतरांसाठी सुवासणारं चंदन


कधी कधी असंख्य भेटी घडूनही

प्रेमाची भावना जागत नाही

तसं प्रेमात पडायला कधी कधी

ती भेटचं घडावी लागत नाही


प्रेम म्हणजे दोन मनांना

आपुलकीनं जोडणारा सेतू असतो

प्रिय व्यक्तीच्या सुखासाठी धडपड

हाच प्रेमाचा निरागस हेतू अस्तो


प्रेम म्हणजे प्रियजणांच्या

चेहऱ्यावर उमटणारा हर्ष असतो

प्रेम म्हणजे जिवात दडलेल्या

आत्म्याचा स्पर्श असतो


प्रेम म्हणजे भावनांची ठिणगी

जी हृदयात अवचित पेट घेते

जीवनाच्या एका नाजूक वळणावर

अविस्मरणीय स्वप्नांची भेट देते

Read more...

प्रेम म्हणजे क्षितीज

प्रेम म्हणजे क्षितीज

मिलन दोन मनांचं

प्रेम म्हणजे ते शिखर

दोन जिवांच्या आपलेपणाचं


प्रेम म्हणजे दोन मनांचा सेतू

जो भवनांशिवाय बांधता येत नाही

प्रेम म्हणजे दोन आत्म्यांचं मिलन

नुसतं स्पर्शानेच साधता येत नाही


प्रेम म्हणजे आठवणीत वाहणं

प्रेम म्हणजे विचारात राहणं

प्रेम म्हणजे कल्पनेच्या नजरेतून

स्वप्नांचं रम्य विश्व पाहणं


प्रेम म्हणजे वहीत एखादं

गुलाब जपून ठेवलेलं

प्रेम म्हणजे मनात एखादं

प्रतिबिंब लपून ठेवलेलं


प्रेम म्हणजे सुरळीत मार्गावरही

पावलांचं अचानक अडखळणं

प्रेम म्हणजे झोपेत अलगद

उशीला हळूच कुरवाळणं


प्रेमात हे असचं असतं

संभाषणाचा भार डोळे पेलत असतात

ओठ जरी स्थिर राहिले

तरी डोळे मात्र बोलत असतात

Read more...

प्रेम म्हणजे

प्रेम म्हणजे प्रियजणांच्या सहवासात

मिळणारी शीतल छाया असते

तर कधी आईच्या कुशीत

फुलणारी वेडी माया असते


प्रेम ह्या दोन अक्षरातच

जीवनाचा खरा अर्थ दडला आहे

त्या अर्थाच्या शोधातच तर

एक जीव दुसऱ्यावर जडला आहे


प्रेम असं बंधन आहे

जे कोणासही चुकलं नाही

असं एकही हृदय नाही जिथे

प्रेमाचं चांदणं लुकलुकलं नही


प्रेम म्हणजे विश्वास

प्रेम कधी ठरते शिक्षा

प्रेम म्हणजे पतिव्रता सीतेनी

दिलेली अग्नी परीक्षा


खरं प्रेम एकदाच होतं

ते कधीही विसरता येत नाही

शुद्ध, हळव्या भावनांचं आभाळ

अनेकांवर पसरता येत नाही


प्रेम हे असचं असतं

थोडसं हसवतं, थोडसं रडवतं

कधी शून्यात आणून सोडतं

तर कधी शून्यातून विश्व घडवतं


"प्रेम" .... शब्द दोन अक्षरांचा

नुसता ऐकला तरी हर्ष होतो

आणि उच्चारला तर

दोन ओठांमध्ये स्पर्श होतो


....... सनिल पांगे

Read more...

उखाने........?

झेन्डुचे फुल हल्ते डुलु डुलु,

आमचे हे दिसतात जसे डुकराचे पिलु


साठ्यानंची बीस्कीटे, बेडेकरंचा मसाला
--- नाव घ्यायला आग्रह कशाला


सुंदर सुंदर हरीणाचे ईवले ईवले पाय,
आमचे हे अजुन कसे नाही आले ,
गटारात पडले की काय ?


डाळित डाळ तुरिचि डाळ
हिच्या मांडिवर खेळविन एका वरशात बाळ


वड्यात वडा बटाटावडा,
... मारला खडा
म्हणून जमला आमचा जोडा.


नाव घ्या नाव घ्या नावाची काय बिशाद
.........तर आहेत माझ्या डाव्या खिशात


5 + 4 इज इक्वल टु नाइन
..... इज माइन


गोव्याहून आणले काजू
गनपतरावान्च्या थोबाडित द्यायला मी कशाला लाजु

Read more...

उखाने......:D

चांदीच्या ताटात मुठभर गहू

लग्नच नाही झाल तर नाव कस घेऊ


श्रावणात पडतोय रोज पारिजातकांचा सडा,
.... ना आवडतो गरम गरम बटाटेवडा.


धनत्रयोदशीला करतात धनाची पुजा,
..... च्या जीवावर करते मी मजा.


मोठा मुलगा श्मभु
******रावान्च्या नाकावर एवढा मोठा टेम्बु


सासर्याच्या मांडवात पंचपक्वांनाच्या राशी,
पोट्टे पाट्टे जेवुन गेले, जावई राहीला उपाशी.


दुधाचे केले दहि, दह्याचे केले ताक,
ताकाचा केला मठ्ठा, ...... चे नाव घेतो ..... रावान् चा पठ्ठा


अत्रावळ पत्रावळ , पत्रावळीवर होती वान्ग्याची फोड
***** हसतात गोड, पण डोळे वटारायची भारीच खोड्


पुरणपोळीत तुप असावे ताजे अन् साजुक,
.... आहेत आमचे फार नाजुक.


पुण्यात बालगंधर्वला नाटक लागलय ' मोरुची मावशी ' ,
........ चे नाव घेते सत्यनारायणाच्या दिवशी.


जीवन आहे एक अनमोल ठेवा,
...... आणतात नेहमी सुकामेवा.


सावित्रीबाई फुलेंनी दिले स्त्री शिक्षणाचे धडे,
..... ना आवडतात गरम गरम साबुदाणे वडे.


मुंबई ते पुणे १५०कि.मी. आहे अंतर,
-- हयांचं नाव घेते, घास भरवते नंतर


कॉरव-पांडव युध्दात अर्जुनाच्या रथाचे श्रीकृष्ण झाले सारथी,
...... आहेत फार निस्वार्थी


सन्डासाच्या पायारीवर टमरेल ठेवते वाकून,
.....रावाना आली जोरदार म्हणून मी ठेवते दाबून्


चान्दिच्या ताटाला चन्दनाचा वेढा,
मी आहे म्हैस तर तो आहे रेडा


मितालि बिल्डींग, तिसरा मजला, घर न - ११, घराला लावलि घंटी,
वर्षा माझी बबली आणि मी तिचा बंटी


गच्चीवर गच्ची सिमेंटची गच्ची,
... माझी बायको आहे मोठी लुच्ची


इवल्या इवल्या हरणाचे इवले इवले पाय,
... घरी परतले नाहीत अजुन, कुठे पिऊन पडलेत की काय!!!


ऍश्वर्या-अभिषेक यांची छान जमली जोडी,ईशा देओलने मारली यांच्याही पुढे उडी,
ईशा देओल उडी मारत पडल खड़्यात,ऍश-अभी अडकले नवरा-बायकोच्या नात्यात,


भल्या पहाटे करावी देवाची पुजा ,
...च्या जीवावर करते मी मजा

Read more...

उखाणे (zee मराठी)

उखाणे --- कुलवधू (zee मराठी वरील मालिका)


देवयानी :
कधी सरळ चाले कधी उलटा वळॆ एकदम
काय म्हणू सांगा याला विक्रम की चक्रम

प्रिय दर्शिनी :
स्वतःला म्हणवून राजे, चालतात उंटासारखे तिरके
फ़ुटक्या माझ्या नशिबी आले रणवीर राजेशिर्के

रागिणी :
तळ्यामधल्या चिखलात जणू उगवलय कमळ
राजेशिर्के असून देखील नील माझा निर्मळ

साक्षी :
काय सांगू तळोबा वाटे मला लाज
असा कसा अतिरेकी झाला माझा राज

उल्हास भिडे

Read more...

उखाने........

आजकाल च्या लग्न ठरलेल्या मुलीसाठी..


मोबाईल वर एफ़ एम् एकते कानात हेडफोन टाकुन ......
मोबाईल वर एफ़ एम् एकते कानात हेडफोन टाकुन ......
आणि ....... रावना मिस कॉल देते एक रूपया बैलेंस राखून..


आजघर माजघर माजघराला नाही दार
गणपतरावांच्या घरात मात्र विंडोज दोन हजार

सचीनच्या बॅट ला करते नमस्कार वाकून
***** रावांचे नाव घेते पाच गडी राखून

इराण्याच्या चहा बरोबर मिळतो मस्का पाव
**** रावांची बाहेर किती लफडी ते विचारू नका राव !!

Read more...

नशिले आज डोळे

नशिले आज डोळे हवा धुन्द झाली


सखी तुझ्या रुपाने आभा ग लाजली

जशी केतकी तशी तुझी गौरकाया

महिरप कुन्तलान्ची करी घायाळ नजरा

यौवनाची तुझ्या बाग बघ फुलली

सखी तुझ्या रुपाने आभा ग लाजली



थान्ब जराशी नको ना हा दुरावा

अन्गास बघ झोम्बतो वेडा खट्याळ वारा

नजर का तुझी आज अर्धोन्मिलीत झाली

सखी तुझ्या रुपाने आभा ग लाजली



मोर तुझ्या ज्वानीचा थुइथुइ ग नाचतो

वेडा भ्रमर कळीला हलकेच जागवतो

स्वप्न साकारले माझे या सन्धीकाली

सखी तुझ्या रुपाने आभा ग लाजली


Unknown

Read more...

तो चौकटचा राजा नि मी किल्वरची राणी

तो चौकटचा राजा नि मी किल्वरची राणी

ऐका कहाणी आमच्या प्रेमाची
तो चौकटचा राजा नि मी किल्वरची राणी
अधूरी होती आमची प्रेम कहाणी
कारण दरबार भरला होता बावन्न पानांनी


वर्षानुवर्षे ही लढाई लाल-काळ्या पानांची
चारही किल्ले जिंकले किंवा हारले
हार पक्की आमच्या प्रेमाची


तीन पानी खेळो अथवा सत्ती लावणी

सात आठचा डाव रंगला, गाढव मात्र आम्ही

ह्याच्या हातून त्याच्या हातात घालमेल होई जीवाची
कुठेतरी एकत्र भेटू चाहुल लागे क्षणाक्षणाची

आमच्या प्रेमाचा डाव बदामाच्या गोलूने फोडला
धुमशान उठल्या रिंगणात किल्वरचा राजा गरजला

राजा नि राणीला घेऊन जोकर होता पळाला

चारही एक्यांना कुठलाच पुरावा नाही मिळाला

राज्यात झाली आणीबाणी . . .

माझ्या मांडीखाली चौकटचा राजा नि किल्वरची राणी

प्रिया पाटील

Logged

Read more...