कधी कधी असे वाटते

कधी कधी असे वाटते 

नुसतंच तुझ्या कडे पाहत राहावं

आणि तुला पाहताना 

स्वतःला विसरून जावं.

कधी कधी असे वाटते 

नयनाची भाषा बोलत राहावे

आणि नयनाची भाषा बोलताना 

ओठ आहेत हेच विसरून जावं.

कधी कधी असे वाटते 

तुझ्या सोनेरी केसात 

गुलाबाचे फुल माळावे

आणि फुल माळताना

काटे टोचतील हेच विसरून जावे.

कधी कधी असे वाटते 

माझी सुखे तुला द्यावी

आणि सुख देताना 

दु:ख आहे हेच विसरून जावे.