स्पर्श

स्पर्श तुझ्या शब्दांचा
मला कधी ना जाणवला
वाट बघता बघता
प्रत्येक क्षण निसटला
तुझ्या प्रेमाचे शब्द ऐकायला
प्राणाचे मी कान केले
पण तुझ्या शब्दांसाठी
माझे तर प्राणच गेले
स्पर्श तुझ्या शब्दांचा जाणवायला
कडाही डोळ्यांच्या पानावल्या
तुझ्या कोरड्या वागण्याने
भावना सार्या जलुन गेल्या
असे वाटते माझ्यासाठी
रोज रडते आकाश
कधी वाटते सोडून द्यावे
तोडून टाकावे सारे पाश
आयुष्य सारे जलुन गेले
जीवनाची झाली मरुभूमि
तुझ्या मेलेल्या संवेदना
जागवायाला काय करू मी
किती फ़रफ़त होते जीवाची
कुठवर सहन करायची
तुझ्या प्रेमाची वाट बघत
वर्षे अशीच सरयाची....

Read more...

सरडयाला ही लाज वाटावी

सरडयाला ही लाज वाटावी इतक्या
पटकन रंग बदलतात हो माणसे
क्षणात शब्द देवून
क्षणात शब्द मोडतात हो माणसे
आधाराला हात देताना ही
नखेच टोचतात हो माणसे
उठवाता उठावता ही
दोन चारदा पडतातच हो माणसे
जखमेवर फुंकर मारताना ही
मिठ्च फवारतात हो माणसे
आपला आपला म्हणत
पाठित घाव घालतात हो माणसे
साधु बनुण ही वासनानाच
कवटाळतात हो माणसे
रामाच रूप घेवून ही रावणाचीच
पुजा करतात हो माणसे
संत्वनाला आल्यावर ही
काटेच पेरतात हो माणसे
मी नाही त्यातला म्हणत
तशीच वागतात हो माणसे
थोड्या फार स्वार्थासाठी
जात बदलतात हो माणसे
केलेल्या उपकराना क्षणात
विसरतात हो माणसे
प्रश्न पडतो मला खरच
आशी का वागतात हो माणसे ?
स्वाभिमान शून्य आयुष्य
कशी जगतात हो माणसे ?

Read more...

आयुष्यातील खेळ पत्यांचा......

आयुष्यातील खेळ पत्यांचा...... मारतो राजास एक्का, नहिल्यास दहीला मारतो कल्पनेचे खेळ सारे, कोणी कुणा ना मारतो पाहता कोणात काही नाही कुठेही वेगळे सारेच तुकडे कागदाचे, छाप नुसते वेगळे आता जरासा रंग काही खेळास येऊ लागला पत्यातला राजा स्वतःला राजाच मानू लागला राणीसही जाणिव काही और होऊ लागली लाजलि नव्हती कधी ती आज लाजू लागली दिनतेचा खेद आता दुर्रीस होऊ लागला पंजा म्हणे चौर्र्यास आता श्रीमंत वाटु लागला विसरून निजरुप नुसत्या नामरुपी गुंतले भलत्याच कुठल्या अवदसेच्या पाषात आता गुंतले नुसता उपाधी भेद कोणी राजा नव्हे राणी नव्हे आणखी सांगु पुढे तो खेळही अमुचा नव्हे खेळतो दुसराच, त्याला पाहिले नाही कुणी म्हणती तयाला इश,म्हणति आल्ला कुणी, येशू कुणी त्याचा म्हणे हा खेळ, नुसते पत्ते आम्ही पत्यातले एका परि पत्त्यास कळले मर्म हे पत्यातले आहे इथे रंगेल कोणी पत्ता असा पत्यातला आहे जरी पत्यातला तो नाही तसा पत्यातला नामरूपाचा सतःच्या पत्ताच ना त्याला कधी ना कशाची खंत होतो राजा कधी, दुर्री कधी हासतो नुसताच आहे सर्वाहुनी हा वेगळा आणखी सांगाल काहो वेदांत कोणी वेगळा

Read more...

आज मन पुन्हा शांत आहे

आज मन पुन्हा शांत आहे
तिच्या येण्याची जणू चाहूल घेत आहे
गेली ती सोडून दूर देशी
ज्या देशाचा ठाव नसे मजपाशी
शब्दातून तिच्या अमृत प्यालो मी
भाव सागरात तिच्या कधी यथेच्छ न्हाहलो मी
रस्ते मनीचे चालण्यास तिच्याचसवे शिकलो मी
तिच्याच ओंजळीने सत्य प्यायलो मी
तिच्याचमुळे आहे अस्तित्वात आयुष्यागद्यात मी
गुपित जगण्याचे सोडविले होते तिनेच
अर्थ नसतो शब्दांना असतो तो
त्या मागच्या भावनांना
हेही सांगितले होते तिनेच
तरीही शब्दांमधेच गुंतून राहिलो मी
ती गेली निघून मज पाठीमागे सोडून
मग आत मनात तिचा शोध घेत आहे
तिच्या त्या आठवणीत
आज मन पुन्हा शांत आहे...

mail by
★彡●๋ दिप★彡●๋

Read more...

आज माझं मन मला म्हणालं

आज माझं मन मला म्हणालं

आज माझं मन मला म्हणालं
चल दोघ सागरतटी जाऊया
ती नसली तर काय झालं
आपण दोघंच प्रेमळलाटी वाहुया
निर्मळ लाटा निरखत
बेधुंद गाणी गाऊया

आज माझं मन मला म्हणालं
चल सागरतटी जाऊया
तु गहीरा की हा सागर गहीरा
आज दोघांची परीक्षा घेऊया
रात्रभर थांबुन आपणही
चांदण्याच्या संगतीने लहरी
चंद्रावर पहारा देऊया

आज माझं मन मला म्हणालं
चल सागरतटी जाऊया
तुझ्या आसवांची या
लहरींशी झुंज लाऊया
कोण जिंकतय कोण हरतय
आज दोघांची ताकद पाहुया
पाऊस बरसला जरी आता वेदनेचा
घाबरु नकोस तु मैत्रीची वळचण
आपण कुठंतरी शोधुया

Read more...

जीवन

सुप्रिया पाटील

Read more...

किती छान असतं ना: एक कळी.......

किती छान असतं ना: एक कळी.......

किती छान असतं ना:

एक कळी.......

अशाच एका सकाळी
सहज भेटली एक कळी.......

कळी खूप नाजूक होती.......
तरी फुलावे वाटे तिला सर्वांसाठी.......

कधी वारा तिज त्रास देई.......
लटपटे शरीर पण तशीच उभी राही.......

पाऊस खुपच कधी वेगाने बरसू पाही.......
अस्तित्व टिकवायची धडपड सारे जग पाही.......

तशीच फुलू पाही ती जोमाने.......
जरी झाला व्याकुळ ह्या उंन्हाने.......

देव नेहमीच तिची परीक्षा घेई.......
का असे ?तिने कधी प्रश्न केला नाही.......

नेहमीच ती आघात सोसू पाही.......
तरी खोटे हास्य नेहमी ओठतून वाही.......

प्रवास ना माहीत तिज तिच्या आयुष्याचा.......
तरी एक संघर्ष सगळी नाती टिकवण्याचा.......

सुकली जरी ती,तरी नवा जन्म घेईल.......
असंख्य वादळे पुन्हा झेलेल.......

अस्तित्व स्वताचे टिकवून ठेवेल......
एक दिवस तीचाच येईल.......

Read more...

एक वेड फुलपाखरु,

कितीही ठरवलं तरी,

तुझ्यावर रूसून राहता येत नाही.

उघड्या डोळ्यांनी तुला टाळलं तरी,

मिटल्यावर त्यांना तुझ्याशिवाय पर्यायच उरत नाही...

सगळं तुला देऊन पुन्हा,

माझी ओंजळ भरलेली.

पाहिलं तर तू तुझी ओंजळ,

माझ्याच ओंजळीत धरलेली...

डोळ्यातून अश्रू ओघळला,

की तोही आपला राहत नाही.

वाईट याचंच वाटतं की,

दुःख त्याच्या सोबत वाहत नाही...

आपण ज्याला आवडतो,

त्याच आपण होऊऩ जाव.

नाहितर आपल्या आवड़ीसाठी,

आपण उगाचच आयुष्य दवडतो...

काट्यात अडकलेला पदर,

अलगद सोडवून घेता येतो.

तुझ्यात गुंतलेलं मन मात्र,

सोडवता सोडवता गुंता होतो...

मलाच माहीत नसलेलं एक दुःख,

माझ्या मनात साठून आहे.

बरेचदा मी विचार करतो,

नक्की याचा ओघ कुठून आहे...

एक वेड फुलपाखरु,

एका फुलावरुन दुसऱ्या फुलावर उडायच.

थोडासा गोडवा सोधण्याच्या नादात,

वेड जगभर फिरायच...

Read more...

मृगजळ

मृगजळ 

त्या रणरणत्या उन्हात
एक झरा दिसला
त्या दिसलेल्या झर्याने
गारवा माझ्या मानस दिला
त्या गारव्याने दुरुनही
सुख मजला मिळत होते
पण .....
जवळ त्याच्या जाउन कळाले
ते एक म्रुगजळ होते.

त्या भयाण अंधारात
एक प्रकाश किरण दिसला
त्या प्रकाश किरणाने
मार्ग मजला दाखवला
तो मिणमिणता प्रकाशही
दिलासा मज देत होता
पण ....
त्याच्या नाहीसे होण्याने कळाले
तो एक काजवा होता .

ग्रीष्माच्या काहिलित
मंद वारयाची झुळुक आली
ती गार झुळुक
मनास हवीहवीशी वाटली
ती मंद झुळुक गारवा
मला देत होती
पण ...
नंतरच्या पडझडीने कळाले
ती वादळाची सुरुवात होती. 

Read more...

प्रवासात सगळेच

प्रवासात सगळेच अनोळखी असतात
म्हणून प्रवास टाळायचा नसतो
कारण त्यातला एखादा प्रवासी
आपल्यासाठी थांबलेला असतो

जीवनात सगळंच मिळत नाही
म्हणून प्रयत्न सोडायचा नसतो
कुठल्यातरी वळणावर
आपला वाट पहाणाराही असतो

एखाद्याला आपलं करता आलं नाही
म्हणून जीव जालायचा नसतो
जीवनच संपल्यावर आपण
त्या व्यक्तिच्या सहवासालाही मुकतो

जगण्याचे संदर्भ असे क्शणाक्शणाला बदलतात
आणी म्हणूनच माणसे उमलतात आणि फुलतात
--

Read more...

पावसाच्या संथ धारांमध्ये

पावसाच्या संथ धारांमध्ये
मदनाच्या मंद वाऱ्यामध्ये
मादक गंध तुझ्या शरिराचा
लावी मनाला छंद मिलनाचा.

पाऊस बरसला
सुगंध पसरला
सहवास बहरला
श्वास मोहरला.

पाऊस धारा बरसल्या
मनाच्या तारा जुळाल्या
इंद्रधनुष्य उगवले
त्याने मिलनाचे संकेत दिले.

जसे, ऊनपावसाच्या खेळात
इंद्रधनुष्याची संगत
तसे, रुसव्या फुगव्याशिवाय
येत नाही प्रेमात रंगत.

Mail By

Vaibhav More

Read more...

मृगजळाचे भास

मृगजळाचे भास

गोड आठवणींमागाची रहस्य हळूहळू उलगडत जातात
आणि लक्षात येतात ते मृगजळाचे भास

सत्य माहित असूनही इच्छेअनुरुप स्वप्नं पाहण्याची सवय
पण, उशिरा लक्षात येतात खडबडून जागे करणारे वास्तवि काटे

चंद्र ढगाआड गेला म्हणून रात्रीला त्या आमावस्या म्हणत नाहीत
उन्हाळ्यात पाऊस आला म्हणून त्याला पावसाळा म्हणत नाहीत
एखाद्या भेटीत कोणी जरा गोड बोललं म्हणून त्याला "प्रेम" म्हणत नाहीत

सगळं कळत असत पण मन वळत नसत
नकाराला होकारातच बदलत असत
झाले वार कितीही तरी फुलांप्रमाणे झेलत असत
खूप वेड असत
त्याला सावरणं अवघड खूप असत

Read more...

चला सलाम करू धन्य त्या मातेला...

थेंब थेंब झिरपणारा ओलावा पिंपळवृक्ष बनून उभा राहतो,
मी त्याला आई अशी हाक मारतो........
चला सलाम करू धन्य त्या मातेला...
------------------------------

---------------- आई हा एक शब्द आहे असं म्हणण व्यर्थ आहे कारण त्यात आहे जे वात्सल्य शब्दात उतरवणं आहे ते अशक्य!! तरी हा एक प्रयास आहे तिच्याच वाढदिवसाला छोटीशी एक भेट आहे .. आई म्हणजे मंदिराचा उंच कळस आई म्हणजे अंगणातील पवित्र तुळस आई म्हणजे भजनात गुणगुणावी अशी संतवाणी आई म्हणजे आरतीत वाजवावीअशी लयबध्द टाळी आई म्हणजे वेदनेनंतरची सर्वात पहिली आरोळी....... मी एक चातक आहे तर ती पर्जन्यचा थेंब आहे मी अत्तर तर ती त्यातला सुगंध आहे माझ्या आयुष्याची ती एक चित्रकार आहे अंधारात मला दिसणारा आशेचा किरण आहे कोणत्याही वादळात तग धरून राहीलेली माझ्या आयुष्यातील कल्पतरु आहे जिच्यामुळे मी, माझी कविता आहे ती माझी......माझीच फक्त आई आहे.

Read more...

लाभले आम्हास भाग्य बोलतो मराठी

लाभले आम्हास भाग्य बोलतो मराठी 
जाहलो खरेच धन्य ऐकतो मराठी
धर्म , पंथ , जात एक जाणतो मराठी ,
एवढ्या जगात माय मानतो मराठी

आमुच्या मनामनात दंगते मराठी
आमुच्या रगारगात रंगते मराठी
आमुच्या उराराउरात स्पंदते मराठी
आमुच्या नसानसात नाचते मराठी

आमुच्या पिलापिलात जन्मते मराठी
आमुच्या नहानग्यात रांगते मराठी
आमुच्या मुलामुलीत खेळते मराठी
आमुच्या घराघरात वाढते मराठी
आमुच्या कुलाकुलात नांदते मराठी

येथल्या फुलाफुलात हासते मराठी
येथल्या दिशादिशात दाटते मराठी
येथल्या नगानगात गर्जते मराठी
येथल्या दरीदरीत हिंडते मराठी
येथल्या वनावनात गुंजते मराठी
येथल्या तरुलखात सादते मराठी
येथल्या कळीकळीत लाजते मराठी

येथल्या नभामधऊन वर्षते मराठी
येथल्या पिकांमधून डोलते मराठी
येथल्या नद्यांमधून वाहते मराठी
येथल्या चराचरात राहते मराठी

पाहुणे जरी असंख्य पोसते मराठी
आपुल्या घरीच हाल सोसते मराठी
हे असेच कितीक खेळ पाहते मराठी
शेवटी मदांध तख्त फोडते मराठी

- सुरेश भट

Read more...

माझी माणसे

माझी माणसे शोधुन दमलो मी
माझी जात जाणुन फसलो मी

माझी भाषा कळेनाच कुणाला इथे
अनोळख्या जनावरांच्या कळपात घुसलो मी

माणंसातला माणुस नाही ओळखला
माझ्याच आरश्यातल्या प्रतिबिंबाला फसलो मी

भावना अन प्रेमाचा दुष्काळच इथे
आयुष्यभर दगडांतच जगलो मी

कुणाला शिकवायची निती-मुल्ये इथे
संस्कार घेउन राक्षसांत वाढलो मी

माझे भविष्यच अंधुक दिसतय आता
मुडदा होउन वर्तमानातच जगलो मी

यमाच्या रेड्याला म्हैस समजलो
मरताना हसलो अन तिथेसुद्धा फसलो मी
************ ***

 Only RooPESH 

 

Read more...

हवं ते मिळालं की ,

हवं ते मिळालं की ,
बाळ खुश होऊन जातं . .
बाळ गोड गोड हसून
आपल्याला ही खुलवतं ....

हवं ते मिळालं तरी ,
आपण नाखुशच असतो ...
पळत्याच्या पाठीमागे
सारखे धावत असतो....

आनंदाचा क्षण काही
टिकवून ठेवता येत नाही . .
दैवाला दूषण देवून
हव्यास सोडता येत नाही ....

हृदयात डोकावून पाहिले
तर कारुण्य खूप दिसते...
पण तेवढीच जागा ही
आनंदाने व्यापलेली असते....

जावू नये दु:खाने पोळून
की सुखाने खूप हूरळून ...
शांत शांत वाटेल बघा,
दोघांचा समतोल ठेवून ....

Read more...

"मला एक नवीन क्षितीज सापडलंय".

"मला एक नवीन क्षितीज सापडलंय".

होय,
जीथं सूर्य कधी मावळतच नाही
अन काळोखाला अस्तित्वच नाही
जीथं भूतकाळाच वास्तव्यच नाही
अन आठवणींचा प्रश्नच येत नाही..
होय मला . .. ... ....
जीथं सुख सोबत सोडत नाही
अन दुख: कुठचं दिसत नाही
जीथं प्रेमाला सीमाच नाही
अन मत्सराला थाराच नाही ..
होय मला एक .. ... ....
जीथं आपल्या भावनांना कदर आहे
होरपळलेल्या मनाला मायेचा पदर आहे
जिथली नाती बंधनातील नाहीत
तरीसुद्धा अजून ती सांडलेली नाहीत..
होय,मला एक नवीन ... ....
जीथं मला कोणाचीच भिती नाही
अस्तित्व सांगणारी स्वताची सावलीसुद्धा नाही
जीथं कोणताच ऋतू मला लागू नाही
अन उन-पावसाच खेळ माझ्या जीवनातच नाही..
होय,मला एक नवीन क्षितीज ....
जीथं वाटासुद्धा दुहेरी नाहीत
फक्त पुढ चालायचं माघार मात्र नाही
जीथं प्रश्नचिन्ह कुठचं दिसत नाही
उत्तर मिळेपर्यंत प्रश्नच उरत नाही ..
होय,मला एक नवीन क्षितीज सापडलंय"

Read more...

आमचा.......? महाराष्ट्र !!! आणि आमची मराठी ....

आमचा.......? महाराष्ट्र !!! आणि आमची मराठी ....

.
.
.

पर राज्यातील कावळा
महाराष्ट्रातील झाडावर आला
काव काव करत विनंती करू लागला
या झाड़ा वरील कावळ्यानी दिला त्याला
.....आसरा...........
आणि आपल्याच ताटातला दिला त्याला चारा

चारा खाऊन तो कावळा धष्ट पुष्ट झाला
वर्षा नंतर गावाकडे जाण्याचा विचार केला
गावाकडे जाउन युक्ती त्यांन केली
जाताना सोबत घेउन जावी फॅमिली
बायका पोरा सकट तो पुन्हा रवाना झाला
आनंदाने भाड्याच्या घरट्यात राहू लागला
बायका पोर कामा मधे साथ त्याला द्यायचे
थोड्या पगारात खुप कष्ट करायचे
अस करता करता कामाचा बोझा
खुपच वाढला .....
मग काय.... मेहुना, मेहुनी, सासु
सासरे, सगळ्या राज्याचा
संसार.... याच झाडावर रंगला

आता त्या कावळ्याला भाड्याच घर नको होत
आपल स्वत हाच असाव अस सारख वाटत होत
मग काय त्यान ...हुशारी केली
महाराष्ट्रतल्या कावळ्याना
थोड़ी लाच दिली
अलिबाग, बदलापुर , कर्जत , कसारा
सुन्दर अशी हवा
थोड़े फार पैसे घेउन तितेच रहावा
ताजी , ताज़ी फळे रोज रोज खावा

बिचारे कावले मस्त पैकी हसले
आणि त्या लबाडाच्या....बोलण्याला लगेच फसले
...हळु हळु बिचारे खुप खुप थकले
बिचारे भुकेने भलतेच मेले
आपल्याच राज्यात आपले हे हाल झाले .........!!

Read more...

मैत्रीच्या पलिकड़ल आणि प्रेमाच्या अलिकड़ल नात

....मैत्रीच्या पलिकड़ल आणि प्रेमाच्या अलिकड़ल नात....
मिलालिस तू एक सुन्दर मैत्रिण
आनंद जाला मनाला
जसा होतो पावसाच्या भेटीत धरतीला

फरफटलेले आयुष मज़े तुज्या येण्याने सावरले
होते निवदुंड फ़क्त मनात आधी
आता फुलांचे ताटवे फुलले ...

यशामागे धावताना धरपदलो होतो
अनाथ मी जख्मी मन
दुनियेकडून तुदवलो होतो..

त्यावेळी तूच दिलास मैत्रीचा हाथ
अणि दिलीस लाखमोलाची साथ
तुज्या सहवासात वाढला आत्मविश्वास
आनंदाने घेत जगतो आहे मी आता प्रत्येक श्वास
तुज्यामुलेच मी आज पुन्हा उभा राहिलो
हिर्मुस्लेला मी पुन्हा एकदा फुल्लो

आयुष भर तू खुप केले माज्या साथी
आता मलाही करायचे तुज्यासाठी
उरलेले हे मज़े आयुष आता फ़क्त तुज्या साथी
अयुशाभर मी तुजा
दास बनुन राहिल
तुज्या एक हकेची वाट फ़क्त
हा मित्र तुज्या साथी जिव देऊन जाइल ............ ......... ....

Read more...

तो क्षण निघून गेला .....

तो क्षण निघून गेला .....

तो क्षण निघून गेला मी पाहतच राहीलो
बोलायच खुप होत पण निशब्द झाहलो
सारे शब्द जणू रानोमाळ पळून गेले माझे
ओठ उघडलेच नाही डोळ्यात विरघळत राहीलो.
तु समोर होतीस मी कोपरा शोधत रहीलो
तु वळून पाहत होतीस मी वळत राहीलो
आज कळाल कीती कठीण असत प्रेम
काही सपंवुन गेले मी सुरु करण्यात राहीलो.
तुझे डोळे बोलत होते मी पपण्यांत राहीलो
तुझे इशारे खुणवत होते मी बघण्यात राहीलो
कोणीही त्या संधीच सोन केल असत आज
मी 'सोन्या' सोन्यासाठी संधी शोधत राहीलो.
वेळ जात राहीली मी आज वाहत राहीलो
मार्ग सरळ होता मी वळणं बदलत राहीलो
तु माझ्या काळजात सामावुन गेलीस सुध्दा
मी वेडयापरी तुझ्या मनाचं दार शोधत राहीलो.

Read more...