तेव्हापासून आजपर्यंत

पहिल्या पावसात भिजताना
आठवतंय तुला?
तू विचारलंस, मला
आवडतं का तुला पावसात भिजायला?
मी नही म्हंटल्यावर केवढा चिडलास
रागारागाने गेलास निघून
आणि मी धावत आले तुझ्यामागून्
तेव्हापासून आजपर्यंत
किती धावडवलंस आयुष्यात मला
कल्पना तरी आहे तुला?
मला मात्र प्रत्येक पहिल्या पावसात
त्या पहिल्या पावसाची आठवण येते
आणि मनातल्या मनात
मी धावलेलं अंतर मोजत रहाते.....