थेंब एक असा बरसून गेला..

थेंब एक असा बरसून गेला..

गडगडाट ना कल्लोळ झाला..
घननीळ मुक्याने बोलून गेला..

सुटला ना जरा भिरभीर वारा..
वादळ थेंबात निचरून गेला..

झाकोळ रात्रीत दडवून गेला..
अवचित पाऊस बरसून गेला..

दिशा दिशांत पसरवून शहारा..
अंतरंगी गारवा झिरपून गेला..

अलवार झेलता झेला नाभीचा..
अलगूज कधीचे मांडून गेला..

कितीक अश्या अबोल गाथा..
भिजल्या मला सांगून गेला..

थेंब एक असा बरसून गेला..
थेंब एक असा भिजवून गेला..